HAWLA

MALAYA.

Kailan?

Kailan magiging malaya ang pusong na sadlak na sa lupa?

Kailan pwedeng lumaya ang pusong matagal ng nakakulong sa rehas ng galit at lungkot?

Kailan magiging malaya ang ang pusong tumibok at magmahal ulit?

Kailan pwedeng maging malaya ang pusong nakatulog na sa hapdi at kirot?

MALAYA.

Kalayaang mahalin ang sino mang taong nilalaman ng puso.

Kalayaang bigkasin ang bawat titik, letra at pangungusap na nilalaman nito para sayo.

Kalayaang iparinig ang musika at himig na ibig iparinig.

Kalayaang ipahayag ang damdaming nais kumawala sa hawlang gawa sa pagkukunwari’t pagkatakot.

Kalayaang mahalin ka ng walang halong pag iimbot.

MALAYA.

Kagaya ng ating bansang malaya ninanais din ng pusong itong lumaya.

Lumaya sa pagkukunwari’t pagkatakot.

Lumaya sa isinusumbat ng mundo.

Lumaya sa palasyong matagal ng kinasasadlakan ng puso.

Lumayang ialay ang pagmamahal sa iyo.

MALAYA.

Ngunit kagaya ng ibang bansang hindi nabigyan ng kalayaan,

Ang puso ring itoy hindi lubos na magiging malaya,

Sa kadahilanang, ang puso mo’y nasasakop pa ng iba.

Sa kadahilanang, masaya kang nagpapasakop sakaniya.

Sa kadahilanang, hindi mo pa gustong lumaya.

MALAYA.

Kalayaan lang na pagmasdan ka ang meron ako.

Kalayaan lang na humalakhak at tumawa kasama ka ang binibigay mo.

Kalayaan lang makasama ka.

Kalayaan lang tumanaw sa kaloloob looban ng mga mata mo,

Ngunit hinding hindi sa kaloob-looban ng puso mo.

MALAYA.

Kapwa tayo nakakulong sa pighati ng kahapon.

Ako.

Sa hawla ng pagkukunwari’t pagkatakot.

Ikaw.

Sa hawla ng maling pagmamahal ng kahapon.

Sino?

Sino ba ang una at gustong kumawala sa hawlang matagal ng kinasadlakan?

-03-31-2018

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s